Aaj Hain Har Jaga

Aaj hain har jagah aashiqan-e-Rasool Mahv-e-naat-o-sana aashiqan-e-Rasool

Jashn, milaad ka sab rahe hain mana Bandagan-e-Khuda aashiqan-e-Rasool

Jashn-e-milaad se ishq hai pyaar hai Hain manate sada aashiqan-e-Rasool

Maah-e-milaad mein khoob lehrayiye Ghar pe jhanda hara aashiqan-e-Rasool

Aamad-e-Mustafa ﷺ marhaba marhaba Sab lagao sada aashiqan-e-Rasool

Seekhne sunnatein, masjid aao chalein Laaye hain qafila aashiqan-e-Rasool

Yaad rakhna sabhi chhodna mat kabhi Daaman-e-Mustafa ﷺ aashiqan-e-Rasool

Download Lyrics & Access Offline - Install Our App Now!

Rahmat-e-Kibriya tum pe ho daa'iman Hai hamari dua aashiqan-e-Rasool

Tum pe fazl-e-Khuda, rahmat-e-Mustafa ﷺ Ho baroz-e-jaza aashiqan-e-Rasool

Kaash! duniya mein tum do bafazl-e-Khuda Deen ka danka baja aashiqan-e-Rasool

Tum pe ho qabr mein har jagah hashr mein Saaya-e-Mustafa ﷺ aashiqan-e-Rasool

Be-namazi rahein kuch na rozey rakhein Un ko kis ne kaha aashiqan-e-Rasool

Aalimon par hansein, phabtiyan bhi kasein Un ko kis ne kaha aashiqan-e-Rasool

Jo ke gaane sunein, film-beeni karein Un ko kis ne kaha aashiqan-e-Rasool

Bad-nigahi karein, bad-kalami karein Un ko kis ne kaha aashiqan-e-Rasool

Khayein rizq-e-haraam, aise hain bad-lagaam Un ko kis ne kaha aashiqan-e-Rasool

Ahad toda karein, jhoot bola karein Un ko kis ne kaha aashiqan-e-Rasool

Jo satate rahein dil dukhate rahein Un ko kis ne kaha aashiqan-e-Rasool

Chughliyon tohmaton, mein jo mashghool hon Un ko kis ne kaha Aashiqan-e-Rasool

Gaaliyan jo bakein aib-darriyan karein Un ko kis ne kaha? Aashiqan-e-Rasool

Daadhiyan jo mundaayein karein ghibatein Un ko kis ne kaha? Aashiqan-e-Rasool

Kaash! Attar ka Taibah mein khatima Ho karo yeh dua aashiqan-e-Rasool