Aaj Hai Jashan e Wiladat

Aaj hai jashn-e-wiladat marhaba Ya Mustafa ﷺ Aaj aaye jaan-e-rehmat marhaba Ya Mustafa ﷺ

Marhaba mehr-e-risalat marhaba Ya Mustafa ﷺ Marhaba mah-e-nubuwwat marhaba Ya Mustafa ﷺ

Aamad-e-Shah-e-Madinah marhaba sad marhaba Marhaba ae jaan-e-rehmat marhaba Ya Mustafa ﷺ

Marhaba Aqa ki aamad marhaba noor-e-Khuda Ho gayi kafoor zulmat marhaba Ya Mustafa ﷺ

Aaj duniya mein wiladat Mustafa ki ho gayi Khoob chamki apni qismat marhaba Ya Mustafa ﷺ

Kaaba sajde ko jhuka but saare aundhe gir pade Aagayi shaitan ki shamat marhaba Ya Mustafa ﷺ

Aagaye Sarkar har su barish-e-anwar hai Jhoomte hain abr-e-rehmat marhaba Ya Mustafa ﷺ

Char su hain rehmaton ki kya chhama chham barishein! Aaye lamhat-e-masarrat marhaba Ya Mustafa ﷺ

No Internet? No Problem! Get the App for Offline Lyrics!

Marhaba ki dhoom daalo sab pukaro marhaba Jhoom kar ahl-e-mohabbat marhaba Ya Mustafa ﷺ

Aaj ghar ghar roshni hai sabz parcham hain buland Jhoomte hain ahl-e-Sunnat marhaba Ya Mustafa ﷺ

Eid-e-Milad-un-Nabi toh eid ki bhi eid hai Shadmaan hai khud masarrat marhaba Ya Mustafa ﷺ

Jashn-e-Milad-un-Nabi ki dhoom hai charon taraf Mast hain ahl-e-mohabbat marhaba Ya Mustafa ﷺ

Khoob gaati thin tarane daf baja kar bachiyan Har taraf kehti thi khalqat marhaba Ya Mustafa ﷺ

Aagayi uttho sawari Amina ke laal ki Un se mango un ki ulfat marhaba Ya Mustafa ﷺ

Le ke kashkol ae faqiro Amina ke ghar chalo Maang lo jo chaho ne'mat marhaba Ya Mustafa ﷺ

Ya Nabi! apni wiladat ki khushi mein dijiye Khuld mein apni rafaqat marhaba Ya Mustafa ﷺ

Wasta tum ko wiladat ka Madine mein jagah Mujh ko dedo bahr-e-turbat marhaba Ya Mustafa ﷺ

De do tum Attar ko eidi mein chashm-e-ashkbar Apna gham do apni ulfat marhaba Ya Mustafa ﷺ