Wah Kiya Martaba Aye Ghous

Wah kya martaba ae Ghous hai bala tera Oonche oonchon ke saron se qadam aala tera

Sar bhala kya koi jaane ke hai kaisa tera Auliya milte hain aankhein woh hai talwa tera

Kya dabe jis pe himayat ka ho panja tera Sher ko khatre mein lata nahin kutta tera

Tu Husaini Hasani kyon na Mohiyuddin ho Ae Khizr majma-e-bahrain hai chashma tera

Qasmein de de ke khilata hai pilata hai tujhe Pyara Allah tera chahne wala tera

Mustafa ke tan-e-be-saya ka saya dekha Jis ne dekha meri jaan jalwa-e-zeba tera

Ibn-e-Zahra ko mubarak ho aroos-e-qudrat Qadri payein tasadduq mere dulha tera

Kyon na Qasim ho ke tu Ibn-e-Abi-l-Qasim hai Kyon na Qadir ho ke mukhtar hai baba tera

Nabawi meenh Alawi fasl Batooli gulshan Hasani phool Husaini hai mehkna tera

Nabawi zill Alawi burj Batooli manzil Hasani chand Husaini hai ujala tera

Nabawi khoor Alawi koh Batooli ma'dan Hasani la'al Husaini hai tajalla tera

Bahr-o-bar shahr-o-qura sahl-o-huzun dasht-o-chaman Kaun se chak pe pahunchta nahin dawa tera

Husn-e-niyyat ho khata phir kabhi karta hi nahin Aazmaya hai yagana hai dogana tera

Arz-e-ahwal ki pyason mein kahan taab magar Aankhein ae abr-e-karam takti hain rasta tera

Maut nazdeek gunahon ki tahein mail ke khol Aa baras ja ke naha dho le yeh pyasa tera

Aab aamad woh kahe aur main tayammum barkhast Musht-e-khaak apni ho aur noor ka ahla tera

Jaan to jaate hi jayegi qayamat yeh hai Ke yahan marne pe thehra hai nazara tera

Tujh se dar dar se sag aur sag se hai mujhko nisbat Meri gardan mein bhi hai door ka dora tera

Is nishani ke jo sag hain nahin mare jaate Hashr tak mere gale mein rahe patta tera

Meri qismat ki qasam khayein sagan-e-Baghdad Hind mein bhi hoon to deta rahoon pehra tera

Teri izzat ke nisar ae mere ghairat wale Aah sad aah ke yun khwar ho irwa tera

Bad sahi, chor sahi, mujrim-o-nakara sahi Ae woh kaisa hi sahi hai to karima tera

Mujhko ruswa bhi agar koi kahega to yun hi Ke wohi na, woh Raza bandah-e-ruswa tera

Hain Raza yun na bilak tu nahin jaiyyit-o-na ho Sayyid-e-jaiyyid-e-har dahr hai maula tera

Why Screenshot When You Can Download? Get the App for Efficient Storage!

Fakhr-e-Aqa mein Raza aur bhi ik nazm-e-rafi' Chal likha layein sana khwanon mein chehra tera