Tu Hai Woh Ghous Ke

Tu hai woh Ghous keh har Ghous hai shaida tera Tu hai woh Ghais keh har Ghais hai pyasa tera

Suraj aglon ke chamakte the chamak kar doobay Ufaq-e-noor pe hai meher hamesha tera

Murgh sab boltay hain bol ke chup rehtay hain Haan aseel ek nawa-sanj rahe ga tera

Jo wali qabl thay ya baad huay ya honge Sab adab rakhte hain dil mein mere Aaqa tera

Ba-qasam kehte hain Shahan-e-Sarifeen-o-Haram Ke hua hai na wali ho koi hamta tera

Tujh se aur dahr ke aqtab se nisbat kaisi Qutb khud kaun hai khadim tera cheela tera

Saaray aqtab-e-jahan karte hain Kaaba ka tawaf Kaaba karta hai tawaf-e-dar-e-wala tera

Aur parwanay hain jo hotay hain Kaaba pe nisar Shama ek tu hai keh parwana hai Kaaba tera

Shajar-e-sarv sahi kis ke ugaye teray Marifat phool sahi kis ka khilaya tera

Free Up Space - Get Lyrics Without Bulky Screenshots!

Tu hai Naushah barati hai yeh sara gulzar Layi hai fasl-e-saman goondh ke sehra tera

Daaliyan jhoomti hain raqs-e-khushi josh pe hai Bulbulain jhoolti hain gati hain sehra tera

Geet kaliyon ki chatak ghazlain hazaron ki chahak Baagh ke saazon mein bajta hai tarana tera

Saff-e-har shajra mein hoti hai salami teri Shaakhain jhuk jhuk ke baja lati hain mujra tera

Kis gulistan ko nahi fasl-e-bahari se niaz Kaun se silsila mein faiz na aaya tera

Nahi kis chand ki manzil mein tera jalwa-e-noor Nahi kis aaina ke ghar mein ujala tera

Raaj kis shahar mein karte nahi teray khuddam Baaj kis nahar se leta nahi darya tera

Mazra-e-Chisht-o-Bukhara-o-Iraq-o-Ajmer Kaun si kisht pe barsa nahi jhala tera

Aur mehboob hain, haan par sabhi yaksaan to nahi Yun to mehboob hai har chahnay wala tera

Is ko sau fard sarapa ba-faraghat orhain Tang ho kar jo utarne ko ho neema tera

Gardnain jhuk gayin sar bichh gaye dil loot gaye Kashf-e-saaq aaj kahan yeh to qadam tha tera

Taaj-e-farq-e-urfa kis ke qadam ko kahiye! Sar jisay baaj dain woh paon hai kis ka tera

Sukr ke josh mein jo hain woh tujhe kya janain Khizr ke hosh se poochay koi rutba tera

Aadmi apnay hi ahwal pe karta hai qiyas Nashay walon ne bhala sukr nikala tera

Woh to chota hi kaha chahain keh hain zer-e-hazeez Aur har auj se ooncha hai sitara tera

Dil-e-aada ko Raza tez namak ki dhun hai Ek zara aur chirakta rahe khama tera