Tera Zara Mah e Kamil Hai

Tira zarra mah-e-kamil hai Ya Ghous Tira qatra yam-e-sail hai Ya Ghous

Koi salik hai ya wasil hai Ya Ghous Woh kuch bhi ho tira sail hai Ya Ghous

Qad-e-be-saya zill-e-Kibriya hai Tu us be-saya zill ka zill hai Ya Ghous

Tiri jagir mein hai sharq ta gharb Qalamrau mein haram ta hill hai Ya Ghous

Dil-e-ishq-o-rukh-e-husn aaina hain Aur in dono mein tera zill hai Ya Ghous

Tiri shama-e-dil-ara ki tab-o-tab Gul-o-bulbul ki aab-o-gil hai Ya Ghous

Tira majnoo tira sahra tira Najd Tiri Laila tira mahmil hai Ya Ghous

Yeh teri champai rangat-e-Hussaini Hassan ke chand subh-e-dil hai Ya Ghous

Gulistan-zar teri pankhari hai Kali so khuld ka hasil hai Ya Ghous

Ugaal is ka udhaar Abrar ka ho Jise tera ulush hasil hai Ya Ghous

Ishara mein kiya jis ne qamar chaak Tu us mah ka mah-e-kamil hai Ya Ghous

Jise arsh-e-dom kehte hain aflak Woh teri kursi-e-manzil hai Ya Ghous

Tu apne waqt ka Siddiq-e-Akbar Ghani-o-Haidar-o-Adil hai Ya Ghous

Wali kya mursal aayen khud Huzoor aayen Woh teri waaz ki mehfil hai Ya Ghous

Jise mange na paayen jah wale Woh bin mange tujhe hasil hai Ya Ghous

Fuyuz-e-alam-e-ummi se tujh par Ayaan mazi-o-mustaqbil hai Ya Ghous

Jo qarnon sair mein aarif na paayen Woh teri pehli hi manzil hai Ya Ghous

Malak mashghool hain is ki sana mein Jo tera zakir-o-shaghil hai Ya Ghous

Na kyun ho teri manzil arsh-e-sani Ke Arsh-e-Haq tiri manzil hai Ya Ghous

Wahin se uble hain saaton samundar Jo teri nehar ka sahil hai Ya Ghous

Malaik ke bashar ke jinn ke halqe Teri zau mah-e-har manzil hai Ya Ghous

Instant Access to Thousands of Lyrics - Tap to Install!

Bukhara-o-Iraq-o-Chisht-o-Ajmer Tiri lau shama-e-har mehfil hai Ya Ghous

Jo tera naam le zakir hai pyare Tasawwur jo kare shaghil hai Ya Ghous

Jo sar de kar tira sauda kharide Khuda de aql woh aaqil hai Ya Ghous

Kaha tu ne ke jo mango milega Raza tujh se tira sail hai Ya Ghous