Sunay Kon Qissa e Dard e Dil

Sunay kaun qissa-e-dard-e-dil mera ghamgusar laago Jisay aashnaayon ka paas tha, woh wafa shaar chala gaya

Wahi bazm hai wahi dhoom hai, wahi aashiqon ka hujoom hai Hai kami toh bas mere chaand ko, jo teh-e-mazaar chala gaya

Woh sukhan shanaas woh dard been, woh gada nawaaz woh mah-jabeen Woh haseen woh bahr-e-uloom-e-deen, mera taajdaar chala gaya

Kahaan ab sukhan mein woh garmiyaan keh nahin raha koi qadrdaan Kahaan ab woh aashiqon mein mastiyaan keh woh pur-waqaar chala gaya

Jisay main sunaata tha dard-e-dil woh jo poochta tha gham-e-daroon Woh gada nawaaz bichhar gaya, woh attaar shaar chala gaya

No Internet? No Problem! Get the App for Offline Lyrics!

Yeheen kyun Naseer na ashk-e-gham, rahey kyun na lab par mere fughaan Humein be-qaraar woh chhor kar sar-e-rahguzar chala gaya