Masjid e Haq Ki Azan

Masjid-e-Haq ki azaan, Ahmad Raza Ishq ka dar-ul-amaan, Ahmad Raza

Never Be Without Your Favorite Lyrics - Get the App for Offline Access!

Shar'a-o-sunnat ki haqiqi rah-guzar Ma'rifat ka gulistan, Ahmad Raza

Aks-e-batin bhi hai aaina-ba-kaf Jism-e-deen, parchhaiyaan Ahmad Raza

Qail-e-ijma-o-Quran-o-Hadith Husn-e-niyyat ki zaban, Ahmad Raza

Hain tasaneef aap ki lag-bhag hazar Ilm ke koh-e-giraan, Ahmad Raza

Har ada Ashab-e-Suffah ki mureed Saiban-e-ashiqaan, Ahmad Raza

Jo Nabi ﷺ ke khandan-e-wade se chali Us mohabbat ki azaan, Ahmad Raza

Maut ko sikhlayein jeene ka hunar Qabr ki rooh-o-rawaan, Ahmad Raza

Chal rahi hai izn se un ke hawa Nao-e-imaan, baadbaan Ahmad Raza

Raste raste aap ke naqsh-e-qadam Karwan dar karwan, Ahmad Raza

Jaye paidaish Bareilly ki zameen Hain makeen-e-qalb-o-jaan, Ahmad Raza

Zehn, dil, aankhein Muzaffar roshni Chand suraj, kehkashan Ahmad Raza