Markaz e Ilm Hun Kyunkar Na Janab Sidique

Markaz-e-ilm hoon kiyonkar na Janab-e-Siddiq Ek ek lafz Muhammad ﷺ ka nisab-e-Siddiq

No Internet? No Problem! Get the App for Offline Lyrics!

Junbish-e-chashm-e-Risalat faras-e-Abdullah Naqsh-e-pa-e-Shah-e-Konain, rikab-e-Siddiq

Jis ki har saans mushaqqat ka achoota shahkaar Us ke maathe ka paseena hai sharab-e-Siddiq

Jis ke lehje mein suni hum ne Khuda ki aawaaz Us ne Abubakar ko bakhsha hai khitab-e-Siddiq

Ghota zan, jis ke kinaron se sadaf chunte hain Woh sadaqat ka samundar hai sarab-e-Siddiq

Taan dein chadar-e-anwaar, barasti boondein Aaftabon ko bhi sharmaye sahab-e-Siddiq

Be-zabaan ho gayi tareekh qayamat tak ki Na jawab-e-Shah-e-Batha na jawab-e-Siddiq

Ibn-e-Usman ka saaya, mere andar ki qaba Kaar farma meri beenai mein khwab-e-Siddiq

Naaz hai mujh ko Muzaffar ke main Siddiqi hoon Mere maazi ki taraf khulta hai baab-e-Siddiq