Kya Likhun Iz o Ala

Kya likhoon izz-o-ala-e-Ghaus-e-Pak Ho nahi sakti sana-e-Ghaus-e-Pak

Shah karde chor ko ik aan mein Main fida tujh par ata-e-Ghaus-e-Pak

Us ke qadmon mein salateen sar jhukayen Apne sar par le jo paye-Ghaus-e-Pak

Sab ke phele hath us ke samne Hogayi jis par ata-e-Ghaus-e-Pak

Instant Access to Thousands of Lyrics - Tap to Install!

Ya Khuda bahre shaheed-e-Karbala Ho taraqqi par vilaye-Ghaus-e-Pak

Kya ajab hum be-kason ko khwab mein Chehra-e-anwar dikhaye-Ghaus-e-Pak

Qabr se uthoon toh ae Rabb-e-Kareem Mera sar ho aur paye-Ghaus-e-Pak

Ghaus-e-Azam hain ghulamon ke liye Hum bhikari hain baraye-Ghaus-e-Pak

Kash hum se ro-siyahon ko kabhi Apne roza pe bulaye-Ghaus-e-Pak

Kehiye us ko mehar-e-mahshar kya sataye La takhaf jis ko sunaye-Ghaus-e-Pak

Dekhna hum Qadriyon par karam Hashr mein jis waqt aaye-Ghaus-e-Pak

Munkir-e-baddin ko dozakh ho naseeb Qadri zer-e-liwaye-Ghaus-e-Pak

Qadri dulha ka daman hashr mein Hath mein ho ae Khuda-e-Ghaus-e-Pak

Naaz hai gar zahidon ko zuhd par Hum ko kafi hai dua-e-Ghaus-e-Pak

Naam lewon ki tamanna hai yahi Tere dar par maut aaye-Ghaus-e-Pak

Poochhte kya ho farishto qabr mein Mujh ko kehte hain gada-e-Ghaus-e-Pak

Hum pe barsade Khuda ke waste Ik bharan abr-e-sakhaye-Ghaus-e-Pak

Khol de lillah mushkil ki girah Main fida band-e-qaba-e-Ghaus-e-Pak

Kis tarah woh rah bhatke dahr mein Rah-e-haq jis ko dikhaye-Ghaus-e-Pak

Kyun na ho Mehboob-e-Subhani laqab Hai pasand-e-Haq ada-e-Ghaus-e-Pak

Is Raza ka hai Jameel Qadri Hai Raza jis ki raza-e-Ghaus-e-Pak