Ilahi Fazal Hai Tera Gada e Ala Hazrat

Ilahi! Fazl hai tera, gada-e-Ala Hazrat hoon Karam hai aap ka aqa, gada-e-Ala Hazrat hoon

Waseela sab Sahaba ka, hai sadqa Aal-e-Zahra ka Karam hai Ghaus-o-Khwaja ka, gada-e-Ala Hazrat hoon

Mili ummat Muhammad ki ghulami Ghaus-e-Azam ki Dar-e-Khwaja ka hoon mangta, gada-e-Ala Hazrat hoon

Madine aake phir jalwa, main dekhun sabz gumbad ka Raza ka Ya Nabi! sadqa, gada-e-Ala Hazrat hoon

Free Up Space - Get Lyrics Without Bulky Screenshots!

Khudaya teri ulfat mein, Muhammad ki mohabbat mein Mujhe aaya kare rona, gada-e-Ala Hazrat hoon

Daba mat nafs-e-ammara, gunahon par na ab uksa Ae shaitan dafa tu ho ja, gada-e-Ala Hazrat hoon

Khudaya ho karam aisa, baja doon un ki sunnat ka Jahan mein chaar su dunka, gada-e-Ala Hazrat hoon

Khuda! Ahmad Raza Khan ke, chaloon naqsh-e-qadam par main Ata taufiq tu farma, gada-e-Ala Hazrat hoon

Ilahi! yeh sa'adat de, Madine mein shahadat de Waseela chaar yaron ka, gada-e-Ala Hazrat hoon

Khuda ki khas rehmat se, mujhe ummeed-e-wasiq hai Parhoon ga naz'a mein kalma, gada-e-Ala Hazrat hoon

Jahannam se aman de de, mujhe bagh-e-jinan de de Mere Maula! karam farma, gada-e-Ala Hazrat hoon

Amiron maal daron ki, jahan ke taj daron ki Mujhe Attar kya parwa, gada-e-Ala Hazrat hoon