Aseeroun Ke Mushkil Kushaa Ghous e Azam

Aseeron ke mushkil-kusha Ghous-e-Azam Fakeeron ke haajat-rawa Ghous-e-Azam

Gira hai balaon mein banda tumhara Madad ke liye aao Ya Ghous-e-Azam

Tere haath mein haath main ne diya hai Tere haath hai laaj Ya Ghous-e-Azam

Mureedon ko khatra nahin bahr-e-gham se Ke beray ke hain nakhuda Ghous-e-Azam

Tumhin dukh suno apne aafat-zadon ka Tumhin dard ki do dawa Ghous-e-Azam

Bhanwar mein phansa hai hamara safeena Bacha Ghous-e-Azam bacha Ghous-e-Azam

Jo dukh bhar raha hoon jo gham seh raha hoon Kahun kis se tere siwa Ghous-e-Azam

Zamanay ke dukh dard ki ranj-o-gham ki Tere haath mein hai dawa hai Ghous-e-Azam

Nikala hai pehle to doobay huon ko Aur ab doobton ko bacha Ghous-e-Azam

Jisay khalq kehti hai pyara Khuda ka Usi ka hai tu laadla Ghous-e-Azam

Kiya ghor jab gyarhwein barhwein mein Muamma yeh hum par khula Ghous-e-Azam

Phansa hai tabahi mein bera hamara Sahara laga do zara Ghous-e-Azam

Mashaikh jahan aayen bahr-e-gadai Woh hai teri daulat-sara Ghous-e-Azam

Offline Lyrics Anytime, Anywhere - Download the App Today!

Meri mushkilon ko bhi aasaan kijiye ke Hain aap mushkil-kusha Ghous-e-Azam

Wahan sar jhukatay hain sab oonchay-oonchay Jahan tera naqsh-e-pa Ghous-e-Azam

Qasam hai ke mushkil ko mushkil na paya Kaha hum ne jis waqt Ya Ghous-e-Azam

Mujhe phir mein nafs-e-kafir ne dala Bata jaayen rasta Ghous-e-Azam

Khila de jo murjhai kaliyan dilon ki Chala koi aisi hawa Ghous-e-Azam

Mujhe apni ulfat mein aisa guma de Na paoon phir apna pata Ghous-e-Azam

Bacha le ghulamon ko majbooriyon se Ke tu Abdul-Qadir hai Ya Ghous-e-Azam

Dikha de zara meher-e-rukh ki tajalli Ke chhayi hai gham ki ghata Ghous-e-Azam

Lipat jaayen daaman se us ke hazaron Pakad le jo daaman tera Ghous-e-Azam

Saron par jisay kehtay hain taaj walay Tumhara qadam hai woh Ya Ghous-e-Azam

Kahay kis se ja kar Hassan apne dil ki Sunay kaun tere siwa Ghous-e-Azam