Aseeroun Ke Mushkil Kushaa Ghous e Azam

اسیروں کے مشکل کشا غوث اعظم فقیروں کےحاجت روا غوث اعظم

گِھرا ہے بلاؤں میں بندہ تمہارا مدد کےلۓ آؤ یا غوث اعظم

ترے ہاتھ میں ہاتھ میں نے دیا ہے ترے ہاتھ ہے لاج یا غوث اعظم

مریدوں کو خطرہ نہیں بحر غم سے کہ بیڑے کے ہیں ناخدا غوث اعظم

تمہیں دکھ سنو اپنے آفت زدوں کا تمہیں درد کی دو دوا غوث اعظم

بھنور میں پھنسا ہے ہمارا سفینہ بچا غوث اعظم بچا غوث اعظم

جو دکھ بھررہا ہوں جو غم سہہ رہا ہوں کہوں کس سے تیرے سوا غوث اعظم

زمانے کے دکھ درد کی رنج و غم کی ترے ہاتھ میں ہے دوا ہے غوث اعظم

نکالا ہے پہلے تو ڈوبے ہواؤں کو اور اب ڈوبتوں کو بچا غوث اعظم

جسے خلق کہتی ہےپیارا خدا کا اسی کا ہے تو لاڈلا غوث اعظم

کیا غور جب گیارہویں بارہویں میں معمہ یہ ہم پر کھلا غوث اعظم

پھنسا ہےتباہی میں بیڑا ہمارا سہارا لگا دو ذرا غوث اعظم

مشائخ جہاں آئیں بہر گدائی وہ ہے تیری دولت سراغوث اعظم

مری مشکلوں کو بھی آسان کیجۓ کہ ہیں آپ مشکل کشا غوث اعظم

وہاں سر جھکاتے ہیں سب اونچےاونچے جہاں ترا نقش پا غوث اعظم قسم ہے کہ مشکل کو مشکل نہ پایا کہا ہم نے جس وقت یا غوث اعظم

مجھےپھرمیں نفس کافرنے ڈالا بتا جایۓ راستہ غوث اعظم

کھلا دے جو مرجھائی کلیاں دلوں کی چلا کوئی ایسی ہوا غوث اعظم

Offline Lyrics Anytime, Anywhere - Download the App Today!

مجھے اپنی الفت میں ایسا گما دے نہ پاؤں پھر اپنا پتہ غوث اعظم

بچا لے غلاموں کو مجبوریوں سے کہ تو عبدالقادر ہے یا غوث اعظم

دکھا دے ذرا مہر رخ کی تجلی کہ چھائی ہے غم کی گھٹا غوث اعظم

لپٹ جائیں دامن سے اس کے ہزاروں پکڑ لے جو دامن ترا غوث اعظم

سروں پر جسےکیتے ہیں تاج والے تمہارا قدم ہے وہ یا غوث اعظم

کہے کس سے جا کر حسن اپنے دل کی سنے کون تیرے سوا غوث اعظم