Al Aman Qehar Hai

Al-aman qahr hai ae Ghous woh teekha tera Mar ke bhi chain se sota nahin maara tera

Baadalon se kahin rukti hai kadakti bijli Dhalin chhat jaati hain uthta hai jo teegha tera

Aks ka dekh ke munh aur biphur jaata hai Chaar aaeena ke bal ka nahin neza tera

Koh-e-sarmukh ho to ik waar mein do par kaale Haath padta hi nahin bhool ke oochha tera

Is pe yeh qahr ke ab chand mukhalif tere Chahte hain ke ghata dein kahin paaya tera

Aql hoti to Khuda se na ladai lete Yeh ghatayein use manzoor badhana tera

Wa rafa'na laka dhikrak ka hai saaya tujh par Bol baala hai tera zikr hai ooncha tera

Mit gaye mit-te hain mit jayenge a'da tere Na mita hai na mite ga kabhi charcha tera

Tu ghataye se kisi ke na ghata hai na ghate Jab badhaye tujhe Allah Ta'ala tera

Sam-e-qatil hai Khuda ki qasam un ka inkaar Munkir-e-fazl-e-Huzoor aah yeh likha tera

Mere sayyaf ke khanjar se tujhe baak nahin Cheer kar dekhe koi aah kaleja tera

Ibn-e-zahr use tere dil mein hain yeh zehr bhare Bal be au munkir-e-be-baak yeh zahra tera

Baaz-e-ash-hab ki ghulami se yeh aankhein phirni Dekh ud jayega imaan ka tota tera

Shaakh par baith ke jad kaatne ki fikr mein hai Kahin neecha na dikhaye tujhe shajra tera

Haq se bad ho ke zamana ka bhala banta hai Are main khoob samajhta hoon mu'amma tera

Sag-e-dar qahr se dekhe to bikhar-ta hai abhi Band band-e-badan ae ru-e-ba-duniya tera

Gharz aaqa se karoon arz ke teri hai panah Banda majboor hai khatir pe hai qabza tera

Hukm naafiz hai tera khama tera saif teri Dam mein jo chahe kare daur hai shaha tera

Jis ko lalkaar de aata ho to ulta phir jaye Jis ko chamkaar le har phir ke woh tera tera

No More Screenshots! Save Storage with Our Lyrics App!

Kunjiyan dil ki Khuda ne tujhe deen aisi kar Ke yeh seena ho mohabbat ka khazina tera

Dil pe kunda ho tera naam ke woh duzd-e-rajeem Ulte hi paanv phire dekh ke tughra tera

Naz'a mein, gaur mein, meezan pe, sar-e-pul pe kahin Na chhoote haath se daaman-e-mu'alla tera

Dhoop mehshar ki woh jaan-soz qayamat hai magar Mutma'in hoon ke mere sar pe hai palla tera

Bahjat us sar ki hai jo "Bahjat-ul-Asraar" mein hai Ke falak-waar mureedon pe hai saaya tera

Ae Raza chist gham ar jumla jahan dushman-e-tust Karda-am ma man-e-khud qibla-e-haajaate ra