Aashiq e Mustafa Zia Ul Deen

Ashiq-e-Mustafa Ziauddin Zahid-o-parsa Ziauddin

Dilkash-o-dilkusha Ziauddin Mere dil ki ziya, Ziauddin

Tum ko Qutb-e-Madinah ya Murshid Ulama ne kaha Ziauddin

Yeh sharaf kam nahin hai mere liye Hoon mureed aapka Ziauddin

Mujh ko apna banao deewanah Wasta Ghous ka Ziauddin

Chashm-e-rahmat basoo-e-man Murshid Az tufail-e-Raza Ziauddin

Aisa karde karam rahein ya Rabb Mujh se raazi sada Ziauddin

Kaise bhatkoon ga mere hain mere Rehbar-o-rehnuma Ziauddin

Ek muddat se aankh pyasi hai Apna jalwa dikha Ziauddin

Marz-e-isyan se neem jaan hoon main Mujh ko dedo shifa Ziauddin

Chashm-e-tar aur qalb-e-muztar do Sadqa Hasnain ka Ziauddin

Meri sab mushkilain hoon hal Murshid Mere mushkil kusha Ziauddin

Stop Wasting Storage - Download Lyrics in Lightweight Text Format!

Pone sau saal tak Madine mein Tum ne baanti ziya, Ziauddin

Jaam-e-ishq-e-Nabi pila ke mujhe Mast-o-be-khud bana Ziauddin

Mere dushman hain khoon ke pyase Mujh ko un se bacha Ziauddin

Aah! toofan mein hai ghiri naiyya Aye mere nakhuda Ziauddin

Maut aaye mujhe Madine mein Kardo haq se dua Ziauddin

Mujh ko dedo Baqi-e-Gharqad mein Apne qadmon mein ja Ziauddin

Hashr mein dekh kar pukaron ga Marhaba marhaba Ziauddin

Mustafa ka paros jannat mein Mujh ko haq se dila Ziauddin

Be-amal hi sahi magar Attar Kis ka hai? Aapka Ziauddin