Yeh Zameen Yeh Falak

Yeh zameen yeh falak In se aage talak Jitni duniyaein hain Sab mein teri jhalak, sab se lekin juda Ae Khuda, ae Khuda

Har sahar phoot-ti hai naye rang se Sabza-o-gul khilen seena-e-sang se Goonjta hai jahan tere aahang se Jis ne ki justuju Mil gaya us ko tu, sab ka tu rehnuma Ae Khuda, ae Khuda

Har sitare mein aabad hai ik jahan Chand suraj, teri roshni ke nishan Pattharon ko bhi tu ne ata ki zaban Janwar, aadmi Kar rahe sabhi teri hamd-o-sana Ae Khuda, ae Khuda

Instant Access to Thousands of Lyrics - Tap to Install!

Noor hi noor bikhra hai kalak nahi Doosra koi hadd-e-guman tak nahi Teri wahdaniyat mein koi shak nahi Lakh hon sooratein Ek hi rang mein tu hai jalwa-numa Ae Khuda, ae Khuda

Saunp kar mansab-e-adamiyat mujhe Tu ne bakhshi hai apni khilafat mujhe Shauq-e-sajda bhi kar ab inayat mujhe Kham rahe mera sar Teri dehleez par hai yahi iltija Ae Khuda, ae Khuda