Tera Har Para e Mubeen

Tera har parah-e-mubeen hai sach Tera paigham bil-yaqeen hai sach

Jaise Quran ki aayat aayat hai Is se barh kar kahin nahin hai sach

Hua aaghaz jis ka Iqra se Dehr mein aisa aur kahin hai sach

Never Be Without Your Favorite Lyrics - Get the App for Offline Access!

Laaye Jibraeel wahi jo la-raib Sidq hai raast hai, ameen hai sach

Naam jis ka Muhammad ﷺ Arabi Khatam-e-Kun ka woh nageen hai sach

Zahe Shaikhain ki qarabat-e-qabr Jis qadar us ﷺ ke jo qareen hai sach

Daim aaram aur sakeenat bakhsh Jawidan, aafiyat nasheen, hai sach

Kidhb hai har hawala tere baghair Tu hai jis matn mein wahin hai sach

Kabhi aks is ka jalwa-gar ho Riazؔ Raaz-e-hasti mein jo makeen hai sach