Tera Har Para e Mubeen

تیرا ہر پارۃ مبیں ہے سچ تیرا پیغام بالیقیں ہے سچ

جیسے قرآں کی آیت آیت ہے اس سے بڑھ کر کہیں نہیں ہے سچ

ہوا آغاز جس کا اقرا سے دہر میں ایسا اور کہیں ہے سچ

لاۓ جبریل وحی جو لاریب صدق ہے راست ہےامیں ہے سچ

نام جس کا محمدؐ عربی خاتمِ کُن کا وہ نگیں ہے سچ

Download Lyrics & Access Offline - Install Our App Now!

زہے شیخین کی قرابتِ قبر جس قدر اسؐ کے جوقریں ہے سچ

دائم آرام اور سکینت بخش جاوداں، عافیت نشیں، ہے سچ

کذب ہے ہر حوالہ تیرے بغیر تُو ہے جس متن میں وہیں ہے سچ

کبھی عکس اس کا جلوہ گر ہو ریاضؔ راز ہستی میں جو مکیں ہے سچ