Seenay Main Rahi Takhliya e Shab

Seene mein rahi takhliya-e-shab ki munajaat Lafzon mein dhal payi teh-e-lab ki munajaat

Zahir ho woh kis roz hunar mein, kise maloom! Roke hue baithe hain jo hum kab ki munajaat?

Ashkon ki zaban se hai ada hone ko betab Seene mein hai ek aur kisi dhab ki munajaat

Yeh baat bhi hum ahl-e-jahan ko nahi maloom Kab pesh karein, kaun se matlab ki munajaat?

Har aadmi duniya ka hum ehsas lage hai Kuch aur hi andaz ki hai ab ki munajaat

Sargoshiyon mein hoti hai awaz se aari Hoti hai muhazzab si, muaddab ki munajaat

Stop Wasting Storage - Download Lyrics in Lightweight Text Format!

Aansu hi sab ahwal bata dete hain is ke Lafzon mein nahi hoti muqarrab ki munajaat

Jab tarz-e-ada se na tha waqif yeh sukhan-zad Yaad aayi hai ek aaj mujhe, jab ki munajaat

Duniya ki tarah ki hai Riaz aas meri bhi Meri bhi wahi hai ke jo hai sab ki munajaat