Qalb Ko Uss Ki

Allah Allah Allah Allah

Qalb ko us ki ru'yat ki hai aarzu Jis ka jalwa hai aalam mein har chaar su

Balkay khud nafs mein hai woh Subhanahu Arsh par hai magar arsh ko justaju

Allah Allah Allah Allah

Arsh-o-farsh-o-zamaan-o-jihat aye Khuda Jis taraf dekhta hoon hai jalwa tera

Zarrray zarrray ki aankhon mein tu hi ziya Qatray qatray ki tu hi tu hai aabru

Allah Allah Allah Allah

Tu kisi ja nahin aur har ja hai tu Tu munazzah makaan se mubarra ze su

Ilm-o-qudrat se har ja hai tu ku-ba-ku Teray jalway hain har har jagah aye Afu

Allah Allah Allah Allah

Saaray aalam ko hai teri hi justaju Jinn-o-ins-o-malak ko teri aarzu

Yaad mein teri har ek hai su-ba-su Ban mein wahshi lagatay hain zarbaat-e-Hu

Allah Allah Allah Allah

Naghma sanjan-e-gulshan mein charcha tera Chahchahay zikr-e-Haq ke hain subh-o-masa

Apni apni chahak apni apni sada Sab ka matlab hai wahid ke wahid hai tu

Allah Allah Allah Allah

Taairaan-e-jinaan mein teri guftagu Geet teray hi gaatay hain woh khush-gulu

Koi kehta hai Haq koi kehta hai Hu Aur sab kehtay hain La sharika lahu

Allah Allah Allah Allah

More Lyrics, Less Storage - Install the App and Ditch the Screenshots!

Bulbul-e-khush-nawa tooti-e-khush-gulu Zamzama khwaan hain gaatay hain naghmaat-e-Hu

Qumri-e-khush-laqa boli Haqq sirruhu Fakhta khush-ada ne kaha dost tu

Allah Allah Allah Allah

Subh-e-dam kar ke shabnam se ghusl-o-wuzu Shahidaan-e-chaman basta saf ru-ba-ru Vird kartay hain tasbeeh-e-Subhanahu Hu wa la ghairuhu Hu wa la ghairuhu

Allah Allah Allah Allah

Har nihaal-e-chaman zikr se hai nihaal Zikr-e-Haq hi usay karta hai maala maal

Zikr se chook kar hota hai woh nidhaal Zikr hi tera hai us ki wajh-e-numu

Allah Allah Allah Allah

Woh bhi tasbeeh se rakhta hai ishtighaal Jo nahin rakhta munh aur lisan-e-maqaal

Phir bhi goyaye tasbeeh hai us ka haal Us ki haali zabaan kehti hai tu hi tu

Allah Allah Allah Allah

Jo hai ghaafil teray zikr se Zul-Jalaal Us ki ghaflat hai us par wabaal-o-nikaal

Qaar-e-ghaflat se hum ko Khudaya nikaal Hum hon zaakir teray aur mazkoor tu

Allah Allah Allah Allah

Hai zabaan-e-jahaan hamd-e-Baari mein laal Dam koi hamd ka maaray kis ki majaal

Ta ba imkaan hum rakhtay hain qeel-o-qaal Us ko maqbool farma lay rahmat se tu

Allah Allah Allah Allah

Bhar de ulfat ki may se hamara sabu Dil mein aankhon mein tu aur lab par ho tu

Kaif mein wajd kartay phirein ku-ba-ku Vird gaya karein pay-ba-pay su-ba-su

Allah Allah Allah Allah

Afu farma khataayein meri aye Afu Shauq-o-taufeeq-e-neki ka de mujh ko tu

Jaari dil kar ke har dam rahay zikr-e-Hu Aadat-e-bad badal aur kar naik-khu

Allah Allah Allah Allah

Bad hoon Mawla meray mujh ko kar de niku Rakht-e-a'maal hai chaak farma rafu

Teri rahmat ki umeed hai aye Afu Ke hai irshaad-e-Quran La taqnatu

Allah Allah Allah Allah

Daakhil-e-khuld hum ko jo farmaye tu Hum hon aur hoor-o-ghilmaan lab-e-aab-e-ju

Aur jaam-e-tahoor aur meena sabu Dekhein a'da to reh jaayein pee kar lahu

Allah Allah Allah Allah

Thandi thandi naseemein chalein meray Rab Fitno ki dhool se paak howay Arab

Aisa barsa baha de jo khaashaak sab Teri rahmat ke baadal ghirein chaar su

Allah Allah Allah Allah

Rahm farma Khudaya haram paak ho Tu ne taqdees bakhshi hai jis khaak ko

Daf'a farma wahaan par hai be-baak jo Aur gira bijliyan qahr ki bar adu

Allah Allah Allah Allah

Noor ki teray hai ik jhalak khubru Dekhay Noori to kyun kar na yaad aaye tu

Un ka sarwar hai mazhar tera hu-ba-hu Man ra'ani ra'al Haq hai Haq mu-ba-mu

Allah Allah Allah Allah

Khwaab-e-Noori mein aaein jo Noor-e-Khuda Buq'a-e-noor ho apna zulmat-kada

Jagmaga uthay dil chehra ho pur-ziya Nooriyon ki tarah shughl ho zikr-e-Hu