Naseeb Tere Karam Se

Naseeb tere karam se chamak utha Ya Rab Jahan mein phir mah-e-Ramzan aa gaya Ya Rab

Hai laakh laakh tera shukr phir diya Ramzan Karam se zauq-e-ibadat bhi ho ata Ya Rab

Ilahi ashra-e-rehmat ki ho gayi aamad Hamein bhi bheek de rehmat ki Ya Khuda Ya Rab

Karam se ashra-e-rehmat ko pa liya hum ne Tu bakhsh ashra-e-rehmat ka wasta Ya Rab

Tufail ashra-e-rehmat ho saath imaan ke Tere Habeeb ke jalvon mein khatma Ya Rab

Kareem! Ashra-e-rehmat diya karam se ab Azaab door ho rehmat se qabr ka Ya Rab

No Internet? No Problem! Get the App for Offline Lyrics!

Hai koch ashra-e-rehmat ki anqareeb ab aah Ata ho gham, mah-e-Ramzan ka ata Ya Rab

Hamare saare mareezon pe fazl-o-rehmat ho Inhein ho az-paye-Ramzan ata shifa Ya Rab

Jo aashiqan-e-Rasool aafaton se hain do chaar Najaat unhein paye-Ramzan kar ata Ya Rab

Jo tang dast hain un par karam ho Ya Allah De un ke rizq mein barkat paye-Raza Ya Rab

Tere Habeeb ke jo bhi ghulam hain maqrooz Najaat qarz se un ko tu kar ata Ya Rab

Unhein khushi de musarrat de aish-o-rahat de Jo tere bande hain sadmon mein mubtala Ya Rab

Jo bhata khor, lutere hain chor daaku hain Unhein tu tauba ka kar de sharaf ata Ya Rab

Bane ab amn ka gehwara mulk-e-Pakistan Ilahi deta hoon Ramzan ka wasta Ya Rab

Tere karam se mila maghfirat ka hai ashra Rihai naar-e-jahannam se ho ata Ya Rab

Ilahi aa gaya Ramzan ka aakhri ashra Rihai naar-e-jahannam se ho ata Ya Rab

Ilahi reh gaye Ramzan ke aakhri roze Rihai naar-e-jahannam se ho ata Ya Rab

Ilahi reh gayin Ramzan ki aakhri ghariyan Karam se bakhsh bhi de hum ko Ya Khuda Ya Rab

Ilahi! De de tu Attar ko gham-e-Ramzan Rulaaye gham usey Ramzan ka sada Ya Rab