Muhabat Mein Apni

Mohabbat mein apni guma Ya-Ilahi Na paaun mein apna pata Ya-Ilahi

Rahoon mast-o-bekhud mein teri vila mein Pila jaam aisa pila Ya-Ilahi

Main bekar baaton se bach ke hamesha Karoon teri hamd-o-sana Ya-Ilahi

Mere ashk behte rahein kaash har dam Tere khauf se Ya-Khuda Ya-Ilahi

Tere khauf se tere dar se hamesha Main tharthar rahoon kanpta Ya-Ilahi

Mere dil se dunya ki chahat mita kar Kar ulfat mein apni fana Ya-Ilahi

Tu apni vilayat ki khairaat de de Mere Ghous ka vasila Ya-Ilahi

Gunahon ne meri kamar tod daali Mera hashr mein hoga kya Ya-Ilahi

Gunahon ke amraaz se neem jaan hoon Paye murshidi de shifa Ya-Ilahi

Banade mujhe nek nekon ka sadqa Gunahon se hardam bacha Ya-Ilahi

Mera har amal bas tere vaaste ho Kar ikhlaas aisa ata Ya-Ilahi

Ibadat mein guzre meri zindagaani Karam ho karam Ya-Khuda Ya-Ilahi

More Lyrics, Less Storage - Install the App and Ditch the Screenshots!

Musalman hai Attar teri ata se Ho imaan par khatima Ya-Ilahi