Muaf Fazal o Karam Se

Mu'aaf fazl-o-karam se ho har khata ya-Rabb Ho maghfirat paye Sultan-e-Anbiya ya-Rabb

Bila hisab ho jannat mein dakhila ya-Rabb Paros khuld mein Sarwar ka ho ata ya-Rabb

Nabi ka sadqa sada keliye tu raazi ho Kabhi bhi hona na naraaz ya-Khuda ya-Rabb

Tere Habib agar muskuraate aa jaayen To bil-yaqeen uthay qabr jagmaga ya-Rabb

Khizaan phatak na sakay paas, de bahaar aisi Rahay hayaat ka gulshan hara-bhara ya-Rabb!

Hamarey dil se nikal jaaye ulfat-e-dunya De dil mein ishq-e-Muhammad meray racha ya-Rabb

Nabi ki deed hamari hai eid ya-Allah Ata ho khwab mein deedar-e-Mustafa ya-Rabb!

Tere Habib ki sunnat ki dhoom mach jaaye Gali gali mein phiray "Madani qafila" ya-Rabb!

Meri zabaan pe "qufl-e-Madinah" lag jaaye Fuzool goi se bachta rahoon sada ya-Rabb

Uthay na aankh kabhi bhi gunah ki jaanib Ata karam se ho aisi mujhay haya ya-Rabb

Kisi ki khamiyan dekhein na meri aankhein aur Sunain na kaan bhi aibon ka tazkira ya-Rabb

Find Your Favorite Lyrics Anytime, Anywhere - Install the App Today!

Tulein na hashr mein Attar ke amal Maula Bila hisab hi tu us ko bakhshna ya-Rabb