Mita De Sari Khatayein

Mita de saari khataein meri mita Ya Rabb Bana de nek bana nek de bana Ya Rabb

Bana de mujh ko Ilahi khuloos ka paikar Qareeb aaye na mere kabhi riya Ya Rabb

Andheri qabr ka dil se nahi nikalta dar Karoon ga kya jo Tu naraz ho gaya Ya Rabb

Gunahgar hoon main laiq-e-Jahannam hoon Karam se bakhsh de mujh ko na de saza Ya Rabb

Buraiyon pe pashayman hoon raham farma de Hai Tere qahr pe hawi Teri ata Ya Rabb

Muheet dil pe hua haye nafs-e-ammara Dimagh par mere Iblees cha gaya Ya Rabb

Rihai mujh ko mile kaash! nafs-o-shaitan se Tere Habib ka deta hoon wasta Ya Rabb

Gunah be-adad aur jurm bhi hain la-tadaad Muaf kar de na seh paunga saza Ya Rabb

Main kar ke tauba palat kar gunah karta hoon Haqeeqi tauba ka kar de sharaf ata Ya Rabb

Sunoon na fuhsh kalami na gheebat-o-chughli Teri pasand ki baatein faqat suna Ya Rabb

Instant Access to Thousands of Lyrics - Tap to Install!

Karein na tang khayalat-e-bad kabhi, kar de Shooor-o-fikr ko pakeezgi ata Ya Rabb

Nahi hai namah-e-Attar mein koi neki Faqat hai Teri hi rehmat ka aasra Ya Rabb