Hazir Hun Jaan o Dil Se

Hazir hoon jaan-o-dil se Khuda ki janaab mein Baitha hua hoon goshta-e-husn-ul-ma'ab mein

Sajdon ki aankh se kiya us ka mushahida Saari kitaab parh gaya Umm-ul-Kitaab mein

Kitni hai khush-naseeb tuhi-daamni meri Rehmat utar rahi hai dua ke jawaab mein

Never Be Without Your Favorite Lyrics - Get the App for Offline Access!

Us ki talab na tootne wala hai silsila Ta'beer mein hai khwab ke ta'beer khwab mein

Rabb-e-Ula ka hukm hai paimana-e-amal Gunja'ishein na dhoondh shariyat ke baab mein

Karta rahoon muta'ala-e-marzi-e-Khuda Sab se ahem yeh lafz hai pooray nisaab mein

Niyyat ko apni theek Muzaffar rakha karo Niyyat ka faasla hai gunaah-o-sawaab mein