Gar Qibla Ru

Gar qibla-ru, qareena; afaal ho durust Nakhl-e-muamalaat ki har daal ho durust

Free Up Space - Get Lyrics Without Bulky Screenshots!

Tere karam se khair saleeqa ho zindagi Guftaar theek, surat-e-ahwaal ho durust

Shaistagi naseeb hon khwahish ke zer-o-bam Saazina-e-hayaat ka sur-taal ho durust

Peechay lagay na nafs-e-khata-kaar ke yeh dil Maula! chaloon jo chaal main, woh chaal ho durust

Guzra jo waqt us mein hui jo khata maaf Aata hua nizaam-e-mah-o-saal ho durust

Mehshar mein pesh-e-khalq na ruswai ho meri Anjaam-e-umr! ae mere lajpal ho durust

La-raib, hama-nafa hai yeh kaarobar-e-umr Sach ho talab girah agar maal ho durust

Hairat hai ek awwal-o-aakhir muheet-e-lab Tafseel kaargar ho na ijmaal ho durust

Ho khair-yaab zindagi tab hi agar Riaz Niyat durust ho rah-e-amaal ho durust