Dard Apna De Iss Qadar

Dard apna de is qadar Ya Rab Na paray chain umr bhar Ya Rab

Meri aankhon ko de woh beenai Tu hi aaye mujhay nazar Ya Rab

Vird mera ho Tera kalma-e-pak Jab keh duniya say ho safar Ya Rab

Shajar-e-naat dil mein boya hai Jald is mein laga samar Ya Rab

Tere mehboob ka main waasif hoon De zabaan mein meri asar Ya Rab

Batufail-e-Rasool-e-har do sara Saath meray rahay Zafar Ya Rab

Teri rehmat jo meray saath rahay Mujh ko kis ka ho phir khatar Ya Rab

Aisa mujh ko guma de ulfat mein Na rahay apni kuch khabar Ya Rab

Dekhnay kay liye mujhay tarsay Umr bhar meri chashm-e-tar Ya Rab

Jaan niklay to is tarah niklay Tere dar par ho mera sar Ya Rab

Qabr mein aur jaan-kanni kay waqt Jab ho halat meri digar Ya Rab

Sakhtiyon say mujhay bacha lena Rakhna rehmat ki tu nazar Ya Rab

Aisi de meray dil ko apni talash Mujh ko mil jaye Tera ghar Ya Rab

Aastanay ka apnay rakh mangta Na phira mujh ko dar-ba-dar Ya Rab

Main nay phailaya daaman-e-maqsood Bhar de rehmat kay tu gauhar Ya Rab

Dil-e-veeraan ko noor say bhar de Keh ho aabad yeh khandar Ya Rab

Arsh us ko kahoon keh Baitullah Meray dil mein hai Tera ghar Ya Rab

Naam ko Tere rat-tay rat-tay roz Shaam say main karoon sahar Ya Rab

Meray seenay ko apni ulfat say Batufail-e-Habeeb bhar Ya Rab

Zarra zarra say aashkara hai Tu kisi ja nahi magar Ya Rab

Tera jalwa kahan nahi maujood Sab kay dil mein hai Tera ghar Ya Rab

Nahnu aqrab say khul gaya keh Tu hai Rag-e-jaan say qareeb-tar Ya Rab

Teri tahmeed kartay hain har dam Moor o maar o shajar hajar Ya Rab

Kartay hain subh o shaam lail o nahaar Teri tasbeeh khushk o tar Ya Rab

Meray jurm o qasoor par Tu na ja Apni rehmat pay kar nazar Ya Rab

Na thikana mera lagay ga kaheen Tu nay chora mujhay agar Ya Rab

Apnay mehboob ka mujhay waasif Rakh Tu rehmat say umr bhar Ya Rab

Ur kay pohanchoon main shehar-e-Tayyab mein Meray lag jayen aisay par Ya Rab

Yun uthoon qabr say darakhshan ru Jaisay nikla koi qamar Ya Rab

Meray piyaray Tere Habeeb jinhein Tu nay bulwaya arsh par Ya Rab

Un ka aur un ki Aal ka sadqa Khatma Tu ba-khair kar Ya Rab

Meri aulaad aur meri behnein Aur meray maadar o pidar Ya Rab

Your Lyrics, Even Offline - Install the App for Free!

Jumla ahbaab aur sab ahl-e-sunan Kul pay rehmat ki rakh nazar Ya Rab

Dushmanon par tufail-e-Ghaus-e-Wara Meray murshid ko de Zafar Ya Rab

Meray ustaad thay Hasan marhoom Noor say un ki qabr bhar Ya Rab

Ittehad aisa sunniyon mein de Keh rahein sheer o shakar Ya Rab

Zikr-e-Mehboob ki yeh mehfil hai Is mein haazir hai jo bashar Ya Rab

Mard o aurat gada ghareeb o ameer Sab ki poori muradein kar Ya Rab

Naik kaamon ki in ko de taufeeq Kar ata sab ko zor o zar Ya Rab

Jo hain kam rizq muflis o mohtaaj Rizq de un ko pait bhar Ya Rab

La-walad ki murad poori kar Naik beton say god bhar Ya Rab

Baani-e-majlis-e-mubarak ka Rahay thanda dil o jigar Ya Rab

Jo keh jaltay hain zikr-e-maulid say Kar ata un ko tu saqar Ya Rab

Nechari o wahabi o rafazi Qahar ki un pay kar nazar Ya Rab

Aur jitnay hain dushman-e-Islam Jald dozakh mein un ko bhar Ya Rab

Mask kar de keh un ki ho jaye Soorat o saut misl-e-khar Ya Rab

De yeh taufeeq Tere aada say Ahle-sunnat karein hazar Ya Rab

Zer-e-har dam rahein Tere dushman Deen Tera rahay zabar Ya Rab

Qadri hai Jameelؔ ay Ghaffar Sab gunah us kay afw kar Ya Rab