Amal Ka Jazba Ho Ata Ya Ilahi

Amal ka ho jazba ata Ya Ilahi Gunahon se mujh ko bacha Ya Ilahi

Main panchton namazein parhon ba-jamaat Ho taufiq aisi ata Ya Ilahi

Parhon sunnat-e-qabliyah waqt hi par Hon saare nawafil ada Ya Ilahi

De shauq-e-tilawat de zauq-e-ibadat Rahoon ba-wuzu main sada Ya Ilahi

Hamesha nigahon ko apni jhuka kar Karoon khashi’ana dua Ya Ilahi

Ho akhlaq achha ho kirdar suthra Mujhe muttaqi tu bana Ya Ilahi

Main mitti ke saada se bartan mein khaaun Chatai ka ho bistara Ya Ilahi

Main neechi nigahain rakhoon kaash! Har dam Ata karde sharm-o-haya Ya Ilahi

Why Screenshot When You Can Download? Get the App for Efficient Storage!

Hamesha karoon kaash parde pe parda Tu paikar-e-haya ka bana Ya Ilahi

Libas sunnaton se muzayyan rahe aur Amama ho sar pe saja Ya Ilahi

Har ek madani inaam Attar paaye Karam kar paye Mustafa ﷺ Ya Ilahi