Mustafa Mujtaba Salam Alaika

Mustafa Mujtaba ﷺ salaam alaik Rahmat-e-Kibriya ﷺ salaam alaik

Nafs-e-kun, rooh-e-khilqat-e-Adam Jaan-e-arz-o-sama salaam alaik

Azmat-e-lauh, aitibar-e-qalam Shahkar-e-Khuda ﷺ salaam alaik

More Lyrics, Less Storage - Install the App and Ditch the Screenshots!

Zindagi ki baraat ke dulha Ronaq-e-dosara ﷺ salaam alaik

Gulshan-e-kainaat ki khushbu Jannaton ki hawa salaam alaik

Sar-khail-e-baab-e-awwal-o-aakhir Sabza-e-irtiqa ﷺ salaam alaik

Husn-e-tehzeeb, waaris-e-akhlaq Aabroo-e-haya ﷺ salaam alaik

Zeenat-e-fikr, zeb-e-goyai Rang khushbu sada salaam alaik

Mushaf-e-waqt, muslih-e-insaan Rehbar-o-peshwa ﷺ salaam alaik

Haq talab, haq sifaat, haq aagah Haq nigar, haq numa ﷺ salaam alaik

Abd har koi, abd sirf aap Hamsafar-e-mawara ﷺ salaam alaik

Ungliyan bhi hain aap ki lehrein Bahr-e-aab-e-baqa ﷺ salaam alaik

Wa-alaik aap ne bhi farmaya Main ne jab bhi kaha salaam alaik

Karti rehti hai meri khamoshi Wird-e-Sall-e-Ala ﷺ salaam alaik

Mere har saans ka wazeefa hai Hamd, naatein, dua, salaam alaik