Mehboob e Rab Akram

Mahboob-e-Rabb-e-Akram lakhon salam tum par Lakhon durood har dam lakhon salam tum par

Tum hakim-e-zaman ho, sultan-e-do jahan ho Ae Sarwar-e-muazzam lakhon salam tum par

Pyare Nabi! shafa’at ki bheek ho inayat Rahmat ho jaan-e-alam lakhon salam tum par

Dil mein tumhari ulfat hai de do is mein barkat Hargiz na ho kabhi kam, lakhon salam tum par

Ae wali-e-Madinah bulwayiye Madinah Kash aa ke yeh parhein hum lakhon salam tum par

Ya Mustafa! karam ho jis dam labon pe dam ho Kalma parhun main us dam lakhon salam tum par

Sarkar! ho inayat deedar ho inayat Jalwon pe mar miten hum lakhon salam tum par

Ishq apna de do mujh ko un ke tufail mein jo Mere hain Ghaus-e-Azam lakhon salam tum par

Shaitan o nafs haye! barbad karne aaye Faryad! Shah-e-alam lakhon salam tum par

Ranj o alam ne mara lillah do sahara Aaqa! Shafi-e-Azam lakhon salam tum par

Duniya ke gham mita do, uqba ke gham mita do Kar do ghamon se be-gham lakhon salam tum par

Never Be Without Your Favorite Lyrics - Get the App for Offline Access!

Murjhaya dil khil uthay de do Raza ke sadqay Daagh-e-jigar ka marham lakhon salam tum par

Rahmat ho ya Nabi ab hon khatm nafratein sab Sunni hon sab munazzam lakhon salam tum par

Attar ko Khuda ne, bakhsha tumhare sadqay Tha laiq-e-jahannam, lakhon salam tum par