Mujhe Be Khudi Yeh Tu Ne Bhali Chashni Chakhai

Mujhe be-khudi yeh tu ne bhali chashni chakhai Kisi aarzu ki dil mein nahin ab rahi samai

Na hazar hai na khatar hai na raja hai na dua hai Na khayal-e-bandagi hai na tamanna-e-khudai

Na maqam-e-guftagu hai na mahal-e-justuju hai Na wahan hawas pahunchein na khirad ko hai rasai

No Internet? No Problem! Get the App for Offline Lyrics!

Na makeen hai na makaan hai na zameen hai na zamaan hai Dil-e-be-nawa ne mere jahan chhauni hai chhai

Na wisaal hai na hijraan na suroor hai na gham hai Jise kahiye khwab-e-ghaflat so woh neend hum ko aai

Man-o-tu uthe jahan hon hawasein wahan kahan hon Jo duai ke thi lawazim so rahai un se pai

Yahan main raha hoon jab to sukhan-e-niaz bolun Sunoge zabaan-e-ney se wahi jo kahe ga nai