Chhoro Mujhe Be Khudi Mera Aram Yahi Hai

چھوڑو مجھے بے خود میرا آرام یہی ہے بے نام و نشاں رہنے دو بس نام یہی ہے

Free Up Space - Get Lyrics Without Bulky Screenshots!

لے سر سے قدم تک ہوں جلا شمع کی مانند شاید کہ میاں عشق کا انجام یہی ہے

کافر ہوں جو میں اپنے تئیں جانوں کہ میں ہوں جو کچھ ہے سو تو ہے مرا اسلام یہی ہے

سوجھے نہیں دن رات ترے دھیان میں پیارے اپنی تو سحر ہے یہی اور شام یہی ہے

کہتے ہیں نیازؔ آپ کو اس شکل مری میں یہ سچ ہے کہ تو پاک پہ یاں نام یہی ہے