Agar Kaaba Ka Rukh Bhi Janib e Maikhana Ho Jaye

Agar Kaaba ka rukh bhi janib-e-maikhana ho jaaye Toh phir sajda meri har laghzish-e-mastana ho jaaye

Wohi dil hai jo husn-o-ishq ka kashana ho jaaye Woh sar hai jo kisi ki tegh ka nazrana ho jaaye

Yeh achi parda dari hai yeh achi raazdari hai Keh jo aaye tumhari bazm mein deewana ho jaaye

Mera sar kat ke maqtal mein gire qatil ke qadmon par Dam-e-aakhir ada yun sajda-e-shukrana ho jaaye

Teri sarkar mein laya hoon daali hasrat-e-dil ki Ajab kya hai mera manzoor yeh nazrana ho jaaye

Shab-e-furqat ka jab kuch tool kam hona nahin mumkin Toh meri zindagi ka mukhtasar afsana ho jaaye

Woh sajde jin se barson hum ne Kaaba ko sajaya hai Jo but-khane ko mil jaayen toh phir but-khana ho jaaye

Kisi ki zulf bikhre aur bikhar kar dosh par aaye Dil-e-sad chaak uljhey aur ulajh kar shana ho jaaye

Yahan hona na hona hai na hona ain hona hai Jisey hona ho kuch khaak-e-dar-e-janana ho jaaye

Sehar tak sab ka hai anjam jal kar khaak ho jana Banay mehfil mein koi shama ya parwana ho jaaye

No Internet? No Problem! Get the App for Offline Lyrics!

Woh may de de jo pehle Shibli o Mansoor ko di thi Toh Bedam bhi nisar-e-murshid-e-maikhana ho jaaye