Zikr e Ahmed Se Main Qismat Ko Jaga Leta Hun

ذکرِ احمدﷺ سے میں قسمت کو جگا لیتا ہوں دل تڑپ جائے تو پھر آنسو بہا لیتا ہوں

جنبشِ لب سے کہیں بات بگڑتی نہ رہے اس لیے ڈرتے ہوئے انکو دبا لیتا ہوں

منظرِ طیبہ جو دل میں مرے آجاتا ہے دل کو تھامے ہوئے میں سر کو جھکا لیتا ہوں

خواب میں انکے پسینے کی جو آتی ہے مہک بھر کے کشکول میں کاندھوں پہ اٹھا لیتا ہوں

ہو حذیفہ کو عطا پھر سے جو مدحت کا سرور مصرعہ پھر نعت کا گُم ہو کے بنا لیتا ہوں