We've added ads to help keep the platform running and improving for you. Learn More
نبیﷺ کا نام جب چمکا ضیا پائی زمانے نے یہاں ذکرِ محمدﷺ سے شفا پائی زمانے نے
مصیبت کی گھڑی میں جب پکارا یا رسول اللہ بَلاؤں سے رہائی پھر سدا پائی زمانے نے
پڑھے جاؤ محمدﷺ پر دُرودِ پاک کثرت سے یہ ذکرِ خیر ہے اس سے شفا پائی زمانے نے
دیارِ مصطفٰیﷺ تیری مسیحائی کا کیا کہنا جہاں ہر درد کی جا کر دوا پائی زمانے نے
حذیفہ رہ گیا دل میں لیے ارماں زیارت کا مدینے کی حسیں لیکن فضا پائی زمانے نے
