Yun Tere Naam Se

Yun tere naam se is dil ne mohabbat ki hai Naat likhe hue kaaghaz ki bhi izzat ki hai

Raat bhar jaag ke ash'aar likhe hain main ne Yaani kaaghaz kaaghaz pe tahajjud ki ibaadat ki hai

Khaal-o-khat naam ke harfon se taraashe un ke Ism-e-Ahmad mein Muhammad ki ziyaarat ki hai

Hum ke taakheer-e-zamaana ke sabab door rahe Hum ne haathon pe nahin zikr pe bai'at ki hai

Aayatein chalti rahin aap ke peechhe peechhe Aap ke qadmon se Quran ne hijrat ki hai

Free Up Space - Get Lyrics Without Bulky Screenshots!

Gard ne midhat-e-aflaak ki hasrat ki hai Apni qaamat se badi baat ki niyat ki hai

Naat-goi jo agar ki hai kisi ne Akbar Hasb-e-taufeeq nahin hasb-e-inayat ki hai