Yun Munawar Hai Yeh Dil

Yun munawwar hai yeh dil, Ghaar-e-Hira ho jaise Us ke andar koi mahtaab raha ho jaise

Gumbad-e-sabz hai yun taaza-ba-taaza har aan Zehan mein koi naya phool khila ho jaise

Dil-e-aawara ko be-sakhta aaya hai qaraar Chand ghariyan teri sohbat mein raha ho jaise

Tujh se ulfat bhi hai ehsas-e-nadamat bhi hai Apna haq mujh se koi maang raha ho jaise

Apni khwahish se koi baat na munh se nikli Tera farman hi farman-e-Khuda ho jaise

Itne ausaf kisi ek bashar mein to nahin Teri soorat mein musawwir bhi chupa ho jaise

Find Your Favorite Lyrics Anytime, Anywhere - Install the App Today!

Saikron chand liye phirta peshani mein Aasmaan tere hi kooche ka gada ho jaise

Anginat sadiyon se masroof-e-sana ho A'zam Usi khatir takhleeq, kiya ho jaise