Koi Mehboob e Kibriya

Koi mehboob-e-Kibriya na hua Koi tujh sa tere siva na hua

Rozan-e-dil se jhankne wale Aaj tak tera samna na hua

Kaun hai is ka, tu nahin jis ka Aur kis ka hai jo tera na hua

Haq ne kab teri baat tali hai Kaun se din tera kaha na hua

No Internet? No Problem! Get the App for Offline Lyrics!

Tujh pe kya kya sitam dhaaye na gaye Tujh se kis shakhs ka bhala na hua

Hum pe kitna woh meherban ho ga Jis se dushman ka dil bura na hua

Zabt ke taar toot toot gaye Jab koi kafila ravana hua

Thi yehi ghayat-e-hayat-e-Azam Phir bhi madhat ka haq ada na hua