Le Ke Pehlu Main

Le ke pehlu mein gham-e-ummat-e-naadaar aaye Ummati ummati kehte hue Sarkaar aaye

Khul gaye mehfil-e-konain pe konain ke raaz Mehram-e-raaz-e-nihaan waqif-e-asraar aaye

Sun ke Sarkaar-e-Madinah ki wiladat ki khabar Har gunahgaar pukara mere gham-khwaar aaye

Never Be Without Your Favorite Lyrics - Get the App for Offline Access!

Farsh walon ke muqaddar ka sitara chamka Shor utha ke ghareebon ke madadgaar aaye

Phir kise maangne ka hosh rahe ae Aazam Baantne wala agar khud sar-e-bazaar aaye