Kissi Ko Kuch Nahi Milta Teri Raza K e Begair

Kisi ko kuch nahi milta teri ata ke baghair Khuda bhi kuch nahi deta teri raza ke baghair

Kaho gada se, na dast-e-talab daraaz kare Yeh dar woh hai jahan milta hai iltija ke baghair

Hai zarre zarre mein beshak zahoor-e-noor-e-qadeem Magar mile ga nahi koo-e-Mustafa ke baghair

Namaz mein nahi shamil agar suroor-e-Huzoor ﷺ Toh jaan lo yeh kashti hai na-khuda ke baghair

Isi sabab se unhein darguzar ki aadat hai Woh jaante hain ke insaan nahi khata ke baghair

Stop Wasting Storage - Download Lyrics in Lightweight Text Format!

Har ek cheez mayassar watan mein thi lekin Yeh dil behal na saka koo-e-Mustafa ke baghair

Main sochta hoon ke Aazam shab-e-taweel-e-hayat Kate gi kaise kisi dard-aashna ke baghair