Koi Mehboob e Kibriya

کوئی محبوب کبریا نہ ہوا کوئی تجھ سا ترے سوا نہ ہوا

روزنِ دل سے جھانکنے والے آج تک تیرا سامنا نہ ہوا

کون ہے اس کا،تونہیں جس کا اورکس کا ہے جو ترا نہ ہوا

حق نے کب تیری بات ٹالی ہے کون سے دن ترا کہا نہ ہوا

تجھ پہ کیا کیا ستم ڈھاۓ نہ گۓ تجھ سے کس شخص کا بھلا نہ ہوا

ہم پہ کتنا وہ مہرباں ہو گا جس سے دشمن کا دل برانہ ہوا

ضبط کے تار ٹوٹ ٹوٹ گۓ جب کوئی کافلہ روانہ ہوا

Instant Access to Thousands of Lyrics - Tap to Install!

تھی یہی غایت حیات اعظم پھر بھی مدحت کا حق ادا نہ ہوا