We've added ads to help keep the platform running and improving for you. Learn More
تُو میرا محبوب نہیں ڈِٹھا جنہوں ویکھ کے چن شرماوے
بجلی ڈردی لِشک نہ مارے متاں بے ادبی ہو جاوے
جے اوہ جاوے سیر کرن نوں رب اپنا عرش سجاوے
اَکھ اگیڑے تے اینگ پیا جاوے جیویں مہہ خانہ کُھل جاوے
کھول دیوے جے وَل زلفاں دے تے راہی راہ بُھل جاوے
جے اوہ پاوے ہتھ پُھلاں وچ تے ہتھ پُھلاں وچ رَل جاوے
صفتاں پاک رسولؐ دیاں دا تے ہن کیڑا بیان سناوے
تے کیہڑا ایتھے گِن گِن دسے جِتھے گنتی وہ بُھل جاوے
ادھی راتی دن چڑھ جاوے جے اوہ رُخ توں نقاب ہٹاوے
واہ تے واہ واہ حسن سجن دا اُتے چال نہ چلی جاوے
علم خدا نے ایہنا دِتا عقلاں وچ نہ آوے
عقل خدا نے ایہنی دِتی علماں وچ نا آوے
کیہ اعجاز نظر وچ اوہدی جو آوے اوہ وِک جاوے
خُلق اوہدے نے موہ لئ دنیا کوئی وِرلا ای جان بچاوے
اعظمؔ ایہڈا سوہنا ماہی سانوں کدھرے نظر نا آوے
