Yeh Nawazishain Yeh Anayatain Gham e Do Jahan Se Chhura Diya

یہ نوازشیں یہ عنائتیں غمِ دوجہاں سے چھڑا دیا غمِ مصطفیٰ تیرا شکریہ مجھے مرنا جینا سکھا دیا

وہ خدا ہے جس کا خیال بھی مری ہر پہنچ سے بلند ہے وہ نبی کا احسن وجمال ہے کہ خدا کا جس نے پتہ دیا

مرا سوزِ لذت زندگی مرے اشک میری بہار ہیں یہ کرم ہے عشق رسول کا مجھے درد نے بھی مزا دیا

کہاں میں کہاں تری آرزو کہاں میں کہاں تری جستجو تو قریب تھا تو قریب ہے جو حجاب تھا وہ اٹھا دیا

تو کریم کتنا عظیم ہے تو رؤف ہے تو رحیم ہے کوئی بھیک مانگنے آگیا تو ضرورتوں سے سوا دیا

جو ملال میرا تھا تمہیں اس کا کتنا خیال تھا کہ اجڑ گیاتھا دیارِدل اسےتم نےآکےبسا دیا

میں ہوں اپنے حال پہ مطمئن میں کسی کوکیسے بتاؤں گا یہ معاملات ہیں راز کے مجھے ان کے عشق نے کیا دیا

وہ گھڑی بھی آۓ کہ خواب میں وہ دکھائیں اپنی تجلیاں میں کہوں کہ آج حضور نے مرا بختِ خفتہ جگا دیا

یہ تمہارا خالدؔ بے نوا ہے سرور وکیف کا واسطہ اسے ڈھونڈنے لگے میکدے اسے کیسا جام پلا دیا