Ya Nabi Lab Pe Ah o Zari Hai

Ya Nabi lab pe aah-o-zari hai Roz-o-shab teri yaadgari hai

Aastane pe tere sar ragrein Aisi qismat kahan hamari hai

Tera darbar dekhne ke liye Ek aalam ko be-qarari hai

Stop Wasting Storage - Download Lyrics in Lightweight Text Format!

Saare ushshaq hain kamar-basta Hukm ki tere intezari hai

Arsh ta farsh hain tere mehkoom Har jagah tera hukm jaari hai

Jo tera ho gaya bana momin Tujh se jo phir gaya woh naari hai

Hum ko banda bana diya tera Wah kya shaan-e-kirdgari hai

Tum ho qasim tumhara Rab mu'ti Dain Rab ki ata tumhari hai

Kar diya tajwar jise chaha Wah kya teri tajdari hai

Tere sadqe mein Ya RasoolAllah Teri ummat bhi Haq ko pyaari hai

Na utara azaab duniya mein Haq ko teri yeh pasdari hai

Aql-e-kul bhi rahe jahan hairan Haq se teri woh raazdari hai

Bulbul us ja watan bana ke jahan Daima mausam-e-bahari hai

Dur-e-dandan mein hai chamak jaisi Kis gauhar mein yeh aabdari hai

Kyun Nakeerain karte ho jaldi Mujh ko Aaqa ki intezari hai

Mujh se poochein woh hashr mein Ya Rab Kuch to keh kaisi be-qarari hai

Main karoon arz Ya RasoolAllah Sar pe gathri gunah ki bhaari hai

Tooti jaati hai peeth isyan se Is sabab se fughaan-o-zaari hai

Phir to farmayein yun Shafee-e-Umam Bahr-e-bakhshish hamara jaari hai

Tu hamara hi naam lewa hai Tujh ko har gham se rastgari hai

Shor ho hashr mein ke Salli 'Ala Kya ghulamon ki ghamgusari hai

Laaj rakh le Jameel Qadri ki Yeh bhi adna tera bhikari hai