Walail Jo Hain Gaisoe Muhammad

والیل جو ہیں گیسوۓ خمدار نبی کے والفجر کی تفسیر ہیں رخسار نبی کے

پردے میں حقیقت ہے زمانے سے نبی کی اب تک ہیں حجابات میں اسرار نبی کے

مہتاب میں خورشید میں تاروں کی ضیاء میں آتے ہیں نظر آنکھ کوانوارنبی کی

ارفع ہے جہاں والوں سے سب آل نبی کی برتر ہیں جہاں والوں سے سب یار نبی کی

وہ اور ہیں مجبور نبی جن کو ملا ہے صد شکر کہ ہم عبد ہیں مختار نبی کے

جس جس بھی جگہ سجتی ہیں آقا کی محافل ہوتے ہیں حقیقت میں وہ دربار نبی کے

مانا کہ خطا کار و گنہگار ہیں صائمؔ ساۓ میں مگر رہتے ہیں غمخوار نبی کے