Wah Kya Martaba Hua Tera

Waah kya martaba hua tera Tu Khuda ka Khuda hua tera

Taaj waale hon us mein ya mohtaaj Sab ne paaya diya hua tera

Haath khaali koi phira na phire Hai khazana bhara hua tera

Aaj sunte hain sunne waale kal Dekh lenge kaha hua tera

Use tu jaane ya Khuda jaane Pesh-e-Haq rutba kya hua tera

Ghar hain sab band dar hain sab teeghe Ek dar hai khula hua tera

Kaam tauheen se hai Najdi ko Tu hua ya Khuda hua tera

Taajdaron ka taajdaar bana Ban gaya jo gada hua tera

Aur main kya likhun Khuda ki hamd Hamd use woh Khuda hua tera

Jo tera ho gaya Khuda ka hua Jo Khuda ka hua hua tera

Hausle kyun ghaten gareebon ke Hai irada badha hua tera

Zaat bhi teri intekhab hui Naam bhi Mustafa hua tera

Jise tu ne diya Khuda ne diya Dain Rabb ki diya hua tera

Ek aalam Khuda ka taalib hai Aur taalib Khuda hua tera

Bazm-e-imkaan tere naseeb khule Ke woh dulha bana hua tera

Meri taat se mere jurm fazoon Lutf sab se badha hua tera

Khauf-e-wazn-e-amal kise ho ke hai Dil madad par tula hua tera

Kaam bigde hue bana dena Kaam kis ka hua hua tera

Har ada dil-nasheen bani teri Har sukhan jaan-faza hua tera

Aashkara kamaal-e-shaan-e-Huzoor Phir bhi jalwa chhupa hua tera

Parda-daar-e-ada hazaar hijaab Phir bhi parda utha hua tera

Bazm-e-duniya mein bazm-e-mahshar mein Naam kis ka hua hua tera

Man raani faqad ra’al Haq Husn yeh Haq-numa hua tera

Baar-e-isyaan saron se phenke ga Pesh-e-Haq sar jhuka hua tera

Yam-e-jood-e-Huzoor pyaasa hun Yam ghata se badha hua tera

Wasl-e-wahdat phir us pe yeh khalwat Tujh se saaya juda hua tera

San’at-e-Khaliq ke jitne khaake hain Rang sab mein bhara hua tera

Arz-e-Taiba qadoom-e-waala se Zarra zarra sama hua tera

Ae Jinaan mere gul ke sadqe mein Takhta takhta basa hua tera

Ae falak mehr-e-Haq ke baade se Kaasa kaasa bhara hua tera

Ae chaman bheek hai tabassum ki Ghuncha ghuncha khula hua tera

Aisi shaukat ke taajdaar kahan Takht takht-e-Khuda hua tera

Us jalalat ke shahryaar kahan Mulk mulk-e-Khuda hua tera

Find Your Favorite Lyrics Anytime, Anywhere - Install the App Today!

Khalq kehti hai laamakaan jis ko Shah-nasheen hai saja hua tera

Zeest woh hai ke husn-e-yaar rahe Dil mein aalam basa hua tera

Maut woh hai ke zikr-e-dost rahe Lab pe naqsha jama hua tera

Hon zameen waale ya falak waale Sab ko sadqa ata hua tera

Har ghadi ghar se bheek ki taqseem Raat din dar khula hua tera

Na koi doosra mein tujh sa hai Na koi doosra hua tera

Sookhe ghaaton mera utaar ho kyun Ke hai dariya chadha hua tera

Sookhe dhaanon ki bhi khabar le le Ke hai baadal ghira hua tera

Mujh se kya le sake adu eemaan Aur woh bhi diya hua tera

Le khabar hum tabaah-kaaron ki Qafila hai luta hua tera

Mujhe woh dard de Khuda ke rahe Haath dil par dhara hua tera

Tere sar ko tera Khuda jaane Taaj-e-sar naqsh-e-paa hua tera

Bigdi baaton ki fikr kar na Hassanؔ Kaam sab hai bana hua tera