Tujh Ko Ankhon Mein Liye

تُجھ کو آنکھوں میں لِیے جب مَیں یہ دُنیا دیکھوں ہر سَحَر میں تِرے ماتھے کا اُجالا دیکھوں

آئِنہ بن کے جو ساری بشریّت آئے کوئی تصویر کوئی عکس نہ تجھ سا دیکھوں

میری بِینائیوں کے پَر سے نِکل آتے ہیں جب خلاؤں میں تِرا نقشِ کفِ پا دیکھوں

تیرے قدموں سے لپٹنے میں ہے معراج مِری تیری دہلیز پہ جبریل کو بیٹھا دیکھوں

کیا سمائے مِرے لفظوں میں بڑائی تیری صَف میں نبیوں کے تِرا چاہنے والا دیکھوں

شوق ہوتا ہے جو بیتاب تلاوت کے لیے رحلِ دل پر تِرے جلووں کا صحیفہ دیکھوں

تیری انگشتِ تصّور سے بھی چشمے پھُوٹیں تیرے صحرا میں کِسی کو بھی نہ پیاسا دیکھوں

More Lyrics, Less Storage - Install the App and Ditch the Screenshots!

آنکھ والوں کو نظر آئی نہ پرچھائیں تِری مَیں تو دیورِ ابد تک تِرا سایا دیکھوں

ڈال دیں مُجھ پہ مظفرؔ جو وُہ کالی کملی رُوح کے غار سے خُورشید نِکلتا دیکھوں