Tere Dar Pe Sajid Hain

Tere dar pe Sajid hain Shahan-e-alam Tu Sultan-e-alam hai ae Jaan-e-alam

Yeh pyaari adaaen yeh neechi nigaahen Fida Jaan-e-alam ho ae Jaan-e-alam

Kisi aur ko bhi yeh daulat mili hai Gada kis ke dar ke hain Shahan-e-alam

Main dar dar phirun chhor kar kyun tera dar Uthaye bala meri Ehsan-e-alam

Stop Wasting Storage - Download Lyrics in Lightweight Text Format!

Main Sarkar-e-aali ke qurban jaaun Bhikari hain is dar ke Shahan-e-alam

Mere dab-daba wale main tere sadqe Tere dar ke kutte hain sheeran-e-alam

Tumhari taraf haath phaile hain sab ke Tumhein poore karte ho arman-e-alam

Mujhe zinda kar de mujhe zinda kar de Mere Jaan-e-alam mere Jaan-e-alam

Musalman musalman hain tere sabab se Meri jaan tu hi hai imaan-e-alam

Mere aan wale mere shaan wale Gadayi tere dar ki hai shaan-e-alam

Tu bahr-e-haqeeqat tu darya-e-irfaan Tera ek qatra hai irfaan-e-alam

Koi jalwa mere bhi roz-e-siyah par Khuda ke qamar mehr-e-taaban-e-alam

Bas ab kuch inayat hua ab mila kuch Unhein takte rehna faqiran-e-alam

Woh dulha hain saari khudayi barati Unhein ke liye hai yeh samaan-e-alam

Na dekha koi phool tujh sa na dekha Bahut chhan daale gulistan-e-alam

Tere koocha ki khaak thehri azal se Meri jaan ilaaj-e-mareezan-e-alam

Koi Jaan-e-Isa ko ja kar khabar de Mare jaate hain dard-mandan-e-alam

Abhi saare beemar hote hain achhe Agar lab hila de woh darman-e-alam

Samee'an Khudara Hassan ki bhi sun le Bala mein hai yeh laus-e-daaman-e-alam