Tera Zahoor Hua Chasham Noor

Tera zahoor hua chashm-e-noor ki raunaq Tera hi noor hai bazm-e-zahoor ki raunaq

Rahe na afw mein phir ek zarra shak baqi Jo un ki khaak-e-qadam ho quboor ki raunaq

Na farsh ka yeh tajammul na arsh ka yeh jamal Faqat hai noor-o-zahoor-e-huzoor ki raunaq

Tumhare noor se roshan hue zameen-o-falak Yahi jamal hai nazdeek-o-door ki raunaq

Stop Wasting Storage - Download Lyrics in Lightweight Text Format!

Zaban-e-haal se kehte hain naqsh-e-pa un ke Hamein hain chehra-e-ghilman-o-hoor ki raunaq

Tere nisaar tera ek jalwa-e-rangeen Bahar-e-jannat-o-hoor-o-qusoor ki raunaq

Ziya zameen-o-falak ki hai jis tajalli se Ilahi ho woh dil-e-nasaboor ki raunaq

Yahi farogh toh zeb-e-safa-o-zeenat hai Yahi hai husn-o-tajalli-o-noor ki raunaq

Huzoor teera-o-tareek hai yeh pathar dil Tajalliyon se hui koh-e-toor ki raunaq

Saji hai jin se shabistan-e-alam-e-imkan Wohi hain majlis-e-roz-e-nashoor ki raunaq

Karein dilon ko munawwar Siraj ke jalwe Farogh-e-bazm-e-awarif ho noor ki raunaq

Dua Khuda se gham-e-ishq-e-Mustafa ki hai Hasan yeh gham hai nishat-o-suroor ki raunaq