Socha Likhun Jo Midhat e Khair ul Anam Ko

سوچا لکھوں جو مدحت خیرالانام کو خم ہوگئ جبین قلم احترام کو

وہ جلوہ گاہِ حسن سے منسوب ہوگیا پاۓ نبی کا قرب ملا جس مقام کو

سرکار کا کرم میرے سرکار کا کرم سیراب کررہا ہےہراک خاص وعام کو

آیا خیال اُن کا تو محسوس یوں ہوا میں پڑھ رہا ہوں جیسے خدا کے کلام کو

تھا مرکزِ نگاہِ کفِ پاۓ مصطفیٰ سجدہ کیا تو بھول گۓ ہم امام کو

اس جان کائنات کے چہرے کاعکس ہے جو روشنی نصیب ہے ماہِ تمام کو

More Lyrics, Less Storage - Install the App and Ditch the Screenshots!

جس سمت اُٹھ گئی میرے سرکار کی نظر رشک گہر بنا گئی سنگِ رخام کو

دیکھے جو مجھ دیکھ کر پڑھنے لگے درود اس حسنِ اہتمام سے پالیں غلام کو

خالدؔ میں کوئی گن ہے نہ فضل و کمال ہے چمکا رہا ہےاُن کا کرم اس کے نام کو