Sary Aalam Main Tera Raj Madine Waly

Saare aalam mein tira raaj Madine wale Fakhr-e-ummat, mare sartaj Madine wale

Kal talak taab-e-shakeebai kahan se laaun Kijiye deedar-e-ata aaj Madine wale

Tiri nisbat ke taqazon ko nibhaaun kaise? Khud hi rakhiyega mari laaj Madine wale

Jo khurch deta hai zangaar dilon se kaalak Sang-e-dar hai tira woh saaj Madine wale

Why Screenshot When You Can Download? Get the App for Efficient Storage!

Apni kamli mein chupa kar mujhe roz-e-mahshar Dhaanp lijeyega mare paaj Madine wale

Dar pe batte hue ganzeene liye shahon ne Sab sakhi hain tere mohtaj Madine wale

Teri toseef ho Altaf ke lab par jaari Ho yahi kaam yahi kaaj Madine wale